【本報訊】警方為驅散示威者，發射無數催淚彈甚至更大殺傷力武器，其中衝突初期在安樂路的對峙中，警方向一幢唐樓發射一枚催淚彈，居民無辜受傷，住在唐樓五樓的陳宅是受害者之一，陳姓兄妹表示，警方與示威者對峙時，多次發射催淚彈，陳先生曾上天台張望，看見催淚彈射上西鐵架空鐵軌，更發現一枚射上他們所住唐樓的外牆，心裏暗罵：「警察瞄邊度呢？」
指示威者無衝擊警照射彈
吸入催淚煙之後，陳先生馬上衝回家清洗。由於家中的窗留了一道縫，催淚濃煙攻入，令年長媽媽即時不適，不斷流淚咳嗽，又要飲水，情況持續數分鐘，陳先生一度感到慌亂，「都唔知點樣處理」。陳先生沒想過警方會向民居施放武器，亦為附近老人院的長期病患者擔憂。
其妹陳小姐斥責警方說：「示威者冇做任何衝擊動作，警察仍不斷射催淚彈，仲掟向我哋嗰邊！」她感到警方的心理是「見到示威者存在已經刺激到佢哋」。
陳先生批評：「你唔應該喺民居咁放囉，你要顧及下周圍啲居民。大家啲居民係屋企箒，都冇做過啲乜嘢，都要受到你哋啲催淚煙攻埋嚟，我覺得係冇顧及市民嘅安全，真係失敗！」他說如果投訴機制有效的話，絕對會投訴，「但係𠵱家我唔知有乜渠道可以投訴警察」。
■記者鄭祉愉