森美昨日在尖沙嘴出席補健食品活動，透露太太生第一胎時，有陪入產房，又分享當年太太懷孕時，自己有不足之處。森美說：「太太懷孕初期，佢想嘔，我叫佢忍住，唔好嘔，因為太多人，後來太太話嘔呢樣嘢邊有得忍㗎！我唔夠體貼，唯一做得好就係我夜晚唔瞓覺，負責餵夜奶，當然一切已成過去，應該唔會再生。」如果萬一意外懷孕呢？森美笑着表示：「搞到我好驚㖭，惟有小心啲啦！」