【本報訊】一個星期前，白衣人在元朗無差別亂打途人，血濺車站商場；一個星期後，28萬黑衣人站滿元朗大馬路，買老婆餅振興經濟，叫口號光復元朗。曾經是無警之城，這天警車比單車多，「夢遊」元朗的人都稱其實有點怕，但又覺得這是香港人應該做的事，香港人，一起走出白色陰霾。
「嚟做香港人應該要做嘅事」
上周發生的元朗恐襲，令黃先生感到氣憤及傷心，他承認這天出來感到害怕，「但我得一個人，我估佢都告唔到我非法集結啩，而我只係派傳單，如果咁都告到我，都冇辦法，而我亦覺得好荒謬」。另一位黃先生和女友高小姐表示是前來元朗拍拖，「我哋嚟買老婆餅，同埋去下白泥影日落，嚟做香港人應該要做嘅事」。
兩口子過去一段日子不斷去遊行，這日要特地兩人進來元朗拍拖、行街，高小姐補充說：「我諗元朗居民唔會咁唔好客、趕客走啩？冇理由元朗人嘅老婆餅淨係元朗人可以買，香港人唔可以買啩？」身穿黑衣的兩人直斥，如果穿黑衣也要被打，香港是否已沒有穿衣服的自由，「唔着衫好似安全少少」。
曹先生居住在元朗已有六年，他平時與十八鄉村民一向和諧相處，認為發動恐襲人士是別有用心，以村民身份針對遊行人士，「係一啲地方勢力人士利用鄉民同香港市民對立，我覺得係俾人擺上枱」，他個人亦不贊成拆祠堂，希望示威者釋出善意，吸納村民與香港人站同一陣線，對抗黑社會人士。
時事評論員程翔也現身元朗，指是為香港打氣，反對黑、警、共三股勢力對香港的威脅。他認為，雖然政府已就元朗遊行發出反對通知書，「但你可以拉晒咁多人咩？」認為只要不用暴力，就不用懼怕惡法和當權者制裁，亦指不需用「悼念」、「行街」作藉口。■記者鄧溢禧、李雨夢