陳潔儀（Kit）、李幸倪（Gin Lee）與江海迦（AGA）前晚在灣仔舉行音樂會，Kit的閨密鄧萃雯到場支持。Gin Lee在台上自言是Kit的歌迷：「𠵱家好似發緊夢，因為我鍾意咗Kit好耐，死啦，無啦啦變咗表白。我由細到大都聽Kit啲歌，佢把聲好有親切感。」
完場後三人齊齊受訪，Kit被問到鄧萃雯有到場時，她笑言要趁機澄清：「佢係我好好朋友，有啲人覺得佢性格難相處，好直，直到你面皮薄會頂唔住，但我又覺得好易接近，咁樣先容易做朋友。」對於被誤會是同性密友，她說：「我哋又係抵死，張相我個樣好似男仔咁，我錫佢面之嘛。有啲朋友好戇居，以為我哋係，我唔會避忌，真性情，對好朋友就係會好熱情。」她表示擔心嚇怕追求者，因此要澄清。
採訪：盧妹
攝影：陳慧安
