張致恒前日宣佈婚訊後，即被爆一腳踏五船，形象插谷底，眾藝人也議論紛紛，已為人母的李蘊更直接在Steven的Ig留言。
李蘊：「教好啲個仔，唔好學爸爸。」
衛詩雅：「我覺得好驚訝，但咁大個人就自己解決，唔好做錯一啲嘢去影響到人，成年人就唔好傷害人。如果係事實就會係（賤男），係好唔啱嘅事，唔好傷害其他人。因為涉及小朋友，等佢哋自己講同解決。」
泳兒：「噚日見到呢個訊息，唔知點講，成家立室係踏入人生另一個階段，係值得開心，但網上見到好多流言，希望佢可以處理得好好，搞清楚關係，唔好傷害到任何人。我自己嘅愛情觀係鍾唔鍾意一個人都要坦白，唔好令身邊人受傷害。」
