【本報訊】7.21晚上，在港島反送中遊行結束後，Martin並沒有留守，而是坐上了開往元朗的列車。那班車，就是後來被稱為「屍殺列車」的班次，原本離開灣仔、中環一帶，以為沒有催淚彈等武器便可安全歸家，沒料到大西北一端卻有無差別襲擊在等着他。那個晚上，Martin一如車站內其他乘客，遭白衣人襲擊，手部及背部都有被棍棒及藤條揮打而留下的傷痕，「嗰晚根本就係恐怖襲擊」。
7.21遊行結束後，Martin在港島一帶吃過晚飯便準備回家，乘坐西鐵駛至元朗站時，Martin已聽到大堂位置嘈雜，「後尾聽到有人問有冇人識急救，我就諗住落去大堂睇吓可唔可以帶傷者上車」。
到達大堂出入閘口，已看見一眾白衣人使用竹枝、雨傘追打站內乘客，「當時個位置已經好亂，垃圾桶、擺報紙嘅箱掟到成地都係」，事態發展下去，便是白衣人跳過出入閘口，沿樓梯走上月台方向追打途人，Martin便是其中一個遇襲者，「我就係上樓梯嗰陣俾人打，佢哋扯住我個背囊係咁打我，用唔同嘅棍打我手臂同背脊，頭亦被人用木條打，包括直幡棍、粗木棍、有國旗嘅藤條」。
白衫人挑釁：咪再入元朗
Martin逃回原本那班列車的車廂，但列車仍未駛走，車廂內乘客大多是老弱婦孺，廣播更叫乘客落車；隨後白衣人亦來到月台，「有啲挑釁車內嘅人，有啲見人就打，我哋都係用遮同背囊去抵擋」，身後有個被打至頭破血流的大叔，「車入面嘅人唔係示威者，只係普通市民，但班白衣男就當咗大家係示威者，會鬧車廂入面嘅人，話『你唔好再入嚟元朗啊，唔好再入嚟搞事啊』，但嗰啲都係住元朗、屯門、天水圍嘅居民」。
以上過程，Martin稱歷時最少半小時，「一個警察都冇，完全冇履行佢哋應有職責，佢哋應該要保護市民」。
事後Martin檢查傷勢，手臂及右手食指受傷，頭部輕微流血，背部亦因被棒打而瘀傷，「個背囊已經幫我擋咗好多，我返到屋企發現放喺背囊側邊嘅水樽已經被人扑爆咗」。
■記者李雨夢