有報道講上屆歐聯冠軍英超豪門利物浦，球會打算將佢哋隊嘅主要英文字Liverpool註冊成為專利，唔通以後去利物浦旅行都要問過紅軍先？原來紅軍強調，呢次註冊計劃只係針對同佢哋球隊相關嘅產物，絕唔會過界涉及任何唔係足球相關嘅事情。利物浦強調佢哋將Liverpool成為註冊商標，只係對有關足球產品同埋服務嘅內容先至有效。球會就話向知識產權處提出申請，係希望能夠保護到佢哋同埋球迷，避免因一啲非授權產品而蒙受損失，確保紅軍獲得應有嘅收入，從而用作回饋球隊，包括收購球員同優化球場等。由於大部份英超球會嘅名主要都係源自當地地方名稱，紅軍今次將利物浦註冊己用嘅做法係史無前例。