【本報訊】記者兩年前訪問過曾健超，他說對警察不憎也不恨。前日再談警察，他最常用「邪惡」兩字。警民關係？曾健超現在斬釘截鐵說「誓不兩立」，「做乜仲要同邪惡嘅人修補關係？」他問：「幾年前我係咪太天真？」
「衰過黑社會」
「以前我叫人唔好仇恨警察，會話畀人聽，警隊都唔係全部衰人。」曾健超說，10年外展社工經驗，甚麼類型警察都見過，有好有壞，他很明白不能一竹篙打一船人。可是這個想法近年不停修正。他說有一位女警朋友，對示威者很好，放假時會幫泛民做義工，洗樓貼海報，心地善良，但最近她亦辭職了，「因為頂唔順，入面真係邪惡得太緊要」，警隊根本不容許異見存在，不容許你不邪惡，「着得呢套制服，就要同佢稱兄道弟，一齊邪惡，因為佢哋要集體負責，佢哋驚落鑊時冇人撐」，他咬牙切齒說「衰過黑社會」。
有說警察也是打份工，落到場身不由己，但可將槍口抬高一厘米，或者打人時輕力啲，曾健超坦言「我唔會BUY」，「大是大非，警隊唔出聲嘅人，都唔係好人」。正邪誓不兩立，絲毫不會降低要求，這點曾健超表達得很清楚，他說「我哋同邪惡、惡勢力，係需要對立」，正如元朗恐襲，當市民發現原來警察同黑社會原來可以搭膊頭，自然會認為警黑等同。「我哋要同黑警，黑社會誓不兩立。因為你哋係邪惡，我哋係光明正大。」
■記者歐陽聯發