油尖旺繁忙的彌敦道、深水埗、九龍城、西營盤等舊區，現時仍有人踩單車在馬路上穿梭送貨，送外賣、送石油氣等，別看送貨單車外表殘舊，不少老牌送貨單車鋼水耐用，載重能力強，見證送貨人經歷風霜。
「佢（鍾漢強）退埋休就唔知去邊（維修）㗎喇，自己整唔到就要買過一架！」現年63歲靠踩單車送外賣謀生的林先生，自言14歲開始便踩「大細轆」低重心單車運送石油氣，由深水埗踩到尖沙嘴；近年年紀漸大，改送較輕的外賣。
林先生幫襯榮興單車約5年，這天他將鳳凰牌單車交到榮興修理，他說過去都是視乎工作地點幫襯最就近的單車舖，但維修送貨單車的地方越來越少，「冇人入行，冇人肯學，一係呢度（榮興），一係深水埗，唔係就要去到荃灣！」
凍肉舖店東游先生亦幫襯榮興多年，他指維修工具單車的人少，願意踩單車送貨的人同樣少，因為危險，保險不受保，但駕駛貨車送貨又常遇塞車，惟有自己兼任單車送貨員。