已經離開車路士遠走法國嘅西班牙球星法比加斯，上年12月喺倫敦被控超速駕駛，當時佢駕駛架灰色嘅Land Rover，喺倫敦西南部一段公路上，超出路面限速嘅40公里，俾交通警偵察到佢架車時速達68公里，結果截停咗佢架車。雖然法比仔當時仲向警方求情，解釋話「其實唔係好快箒」，但法官喺判決時就話，法比仔就算唔係高速駕駛，但係超速就係超速，冇得抵賴。法比仔之前已經因為違例駕駛，被扣減過六分，家陣又再犯，法官判咗佢停牌半年，而且仲要罰款750鎊（約7,300港元），真係陰功豬，但係講到尾超速係唔啱嘅，所以就算被判停牌半年，都係無可厚非。