最近巴甲球隊戈亞斯喺twitter上載咗一段短片（圖），片入面見到幾個靚女model搔首弄姿，不時影住佢哋心口，同埋只係身穿上衣下半身齋着住底褲嘅鏡頭。睇咗一陣，先開估係戈亞斯新波衫廣告。唔少球迷都認為廣告過份賣弄色情，唔尊重女人，球會主席艾美達就話廣告只係展現女性美態。不過，球會最後都撤回咗條片，換過條得一個着住波衫嘅男人望住個鏡頭嘅片。