【本報訊】大批白衣暴徒周日闖入西鐵元朗站打市民引起全城怒憤，有市民目擊當時月台及車廂不斷傳出慘叫及呼救聲，但港鐵職員及警員都未有在場施援。混亂中更有市民跌倒遭暴徒圍毆，幸一名青年奮不顧身衝出車廂救人，將傷者拖走避過暴徒繼續施襲。
乘客質問女車長
目擊者梁先生當晚在元朗站準備乘車返回屯門，他憶述這場恐怖經歷，指自己抵達大堂時，剛有列車停在月台，「點知入咗車廂等咗約一分鐘，架車都唔閂門」，未幾白衣暴徒即見人就打。他隨即跟其他乘客走回車廂躲避，數分鐘後大批白衣暴徒更手持藤條及木棍衝上月台，「尿袋（無線充電器）呀、水樽呀、棍呀係咁掉入嚟（車廂），企喺前面嘅男人就即刻開遮擋」。
現場一片混亂，梁指有人被白衣暴徒用木棍打中受傷，有女乘客驚惶失措不停尖叫，車上有乘客立即按動緊急掣，惟一直無人回應，「嗰陣成個月台都冇港鐵職員，警察一個都冇」。其間一名穿黑衫的男乘客在月台上跌倒，被多名白衣暴徒用木棍及雨遮圍毆，千鈞一髮之際，一名孭黑色背囊的青年奮不顧身衝出車廂，將該名黑衫男乘客拉入車廂暫避。梁讚揚該名青年表現英勇，「我諗喺嗰一刻冇邊個人好似佢咁，咁勇敢」。
大約數分鐘後，列車終於關門並開往屯門方向，惟車廂內滿地血迹，染血的紗布、拆斷的雨傘及頭盔滿佈地上。數名乘客受傷流血，由其他乘客協助以生理鹽水及紗布處理傷口，梁稱：「去到朗屏嗰陣先至見到幾個港鐵職員，叫啲受咗傷嘅乘客落車治理」。至屯門總站時女車長下車，有乘客隨即質問她為何不關上車門，惟女車長不發一言離開。
■記者黎國剛