葉劉快閃撬庫房鐵閘，收割選票，要陳茂波預算案向市民派八千元。傳聞元朗白屍恐襲，每位只收二千七，揮棍打人時差點歸西的飛×南黑叔，執番條命，要感恩比警方早來了N倍的救護員，還有醫護及時通佢波仔才不致追隨連儂隧道同樣由白衫幫用白膠漿貼上去的四字魔咒。黑幫問題，官警解決，市民會「心領」？不講人話的林鄭答唔出，睇吓何氏墳頭被毀後那幾個雞乸咁大隻的留字，就算猛話睇唔到鐵通的游氏指揮官、唔睇錶淨識拍白屍膊頭的「李除名」，也不可能睇漏寫住「升天南、勝和字」。梁美芬為祖墳悲憤定性：泯滅人性！係幾應景喎。黑幫惡煞，無差別毆人後還「搞鬼」？為乜呢？抑或某人自編自導，自掘墳墓模仿台灣「陳水扁中彈案」？推敲一下，網民信納後者。識玩的，盧一哥坐觀圍村懵佬與不同利益幫派開拖，片甲不留！之後就是一哥「收成期」！（控告拎住國旗棍打人的白屍，污衊國旗！）咁鄧二哥點算？隨時因為元朗柒黑，周身蟻！警隊極需轉移速龍在上環天橋無預警對下面的抗爭者開36槍的視線，搵鄉黑祭旗，時機剛好，地產商實撐，點止捐一千萬！所以，明天光復元朗的山系兄弟，食花生就好；留力，水長流。