元朗黑社會襲擊市民事件，引起全城憤怒之餘，也將特首林鄭月娥已所餘無幾管治認受性燒得乾乾淨淨。有政界中人指，隨着保守的總商會也發聲明，要林鄭以獨立委員會查元朗恐襲，公務員公開質疑林鄭政府處理有關事件方式，「即係話連商界、公務員呢啲較保守嘅人都唔信林鄭，佢根本冇可能管落去」，難怪最近北京找Plan B人選傳聞，又再成政圈流傳話題。
多名政界中人均指，元朗恐襲後，不少商界對香港前景、對林鄭管治信心跌到谷底，「有商界話元朗事件後，唔只外資擔心香港仲係咪安全，連一啲本地商界都擔心，有人仲形容目前情勢比沙士時更差」，其中一名政界人士更稱，有外商對他說，元朗事件已令他質疑香港是否仍是安全城市，更相信事件背後有北京支持，而各國在事件後發旅遊警告，已反映外國對香港安全信心動搖，而該外商更考慮將在港居住家人子女送回本國居住，該政界中人稱，外商信心動搖，勢必危及香港國際金融中心地位。
另一政界中人更稱，目前局勢下，林鄭已不能管治，「北京留低佢想穩定局面，但客觀事實係，佢正係不穩定嘅其中一個源頭，另一個就係警隊」，所以要解決目前局勢，單換走一些司局長已無大作用，「就算北京出解放軍都冇用，冇錯可以令人唔上街，但只會毀滅成個香港，仲燒埋大陸」，所以他近日又再多了人打聽對Plan B人選意見，「有人問唔同人做Plan B睇法，曾鈺成、黃仁龍有人提，陳德霖都有人問，最近又有人提唐英年，但最奇係連陳茂波都有人問過得唔得」。
季陶
周一、三、五刊出