前哥倫比亞國腳華達拉瑪喺球壇有「金毛獅王」之稱，有呢個朵，係因為佢有一頭金色嘅爆炸頭，但佢最近幫哥倫比亞一間博彩公司Codere拍廣告，竟然將呢個咁有象徵性嘅髮型改頭換面，雖然都係金色，但就疑似做負離子電直咗成頭金髮，個look成個《倚天屠龍記》個「金毛獅王」謝遜咁，如果真係有電視台又想翻拍《倚天》，不妨考慮搵佢嚟接拍後再配音，妝都唔使化。