最近流言治港。
「喂﹗阿X叔，你真係大能鑊啦DLLM！你地尋日白衫打嗰D人啊，打中咗阿嫂啊！人地入元朗去飲俾你地打，人地大肚㗎，佢老公嗰邊個個發晒火吹大X話要入元朗做嘢啊！你地避一避啦！」
你有無聽過？你有無懷疑過？
我有懷疑，不是馬後炮，也不是我自己聰明，而是有人Forward這段錄音片段時已經順手突破了「盲腸」：「如果真係江湖大嫂，咁佢應該出入坐私家車，點會同平民一齊逼地鐵呢？如果真係個老公咁緊張要幫阿嫂報仇，咁事前點解唔會帶幾個兄弟護住阿嫂出入呢？」
我覺得這條盲腸突破得好有道理，知道這段錄音應該真偽存疑，但我仍毫不猶豫便轉發了錄音。因為，我希望，這個流言是真的。
當元朗陷入無警甚至警黑勾結的狀態，市民已經對「制度」、「法律」 失去信心。唯一寄望的，要不便是Iron Man打救港人，要不便是幻想「以黑制黑」，會否有另一批黑幫睇唔過眼，跨區入村和土著火併呢？
所以「白衫人打錯江湖大嫂」的流言迅速蔓延，因為符合大眾的「劇本」。這也是香港警察的無能，讓這些流言乘虛而入。
另一個流言也是同樣套路。何家山墳被毀，同一時間便流出錄音片段， 聲稱前日打完人但收唔到尾數，再唔找數便要小心何家山墳被人整爛云云。
網民馬上揶揄「勞資糾紛」，黑社會出咗力但收唔足錢，有汗出無糧出，便向何妖大報復。
這正符合許多市民心中「Fact」：元朗恐襲和何妖有關係，這種關係應該是金錢供應的關係，no money no talk，反面便追數毀祖墳，戲軌鋪排有道理。甚至符合中國人「善惡到頭終有報」的傳統思想。再配合李鵬入墳墓，實在是夢幻結局。
但有流言令人惶恐，便是爆seed女記者利君雅被高層照肺的流言，這或許是，某些人認為傳媒應該聽話，高層應該舐鞋底，所以幻想了記者被管理層修理的劇本。我期待收到的流言是：「喂，我頂唔順我老婆，我真係carry佢唔住啦，Regina……」