汪明荃（阿姐）昨日到港台宣傳9月底開鑼的粵劇，屆時將與丈夫羅家英合演。近日忙於綵排的阿姐，被問到早前完成前列腺切除手術的家英哥復原進度時說：「佢啱啱先去完日本旅行，好好呀，係小便嘅問題，但係佢都習慣咗。佢唔鍾意人哋提佢㗎，佢又真係好夜瞓，因為好鍾意睇電影，但係佢起得好遲，佢識照顧自己㗎啦。」阿姐笑言家英哥最近很忙，將接拍兩個廣告，又要到橫店拍劇：「橫店好熱，我探過一次班都唔敢再去。」
提到周日元朗暴力事件，阿姐坦言向來支持和平示威：「任何暴力都唔應該有，睇到新聞當然會唔開心，全部都係香港人嚟嘅。」再問社會日漸撕裂，阿姐強調不想再回應：「我唔想講完又引起其他人回應，大家有眼睇㗎嘛。」
採訪、攝影：盧妹