周四歐霸盃第二圈外圍賽，去季英超第七名的狼隊在主場出戰北愛爾蘭代表十字軍。今季狼隊雖然在轉會市場未有大動作，但原有班底出戰依舊大超班，加上季初球隊狀態不俗，故今仗即使狼隊[-3]，照捧「主勝」。
狼隊於上周遠征中國出戰英超亞洲盃，首戰面對防守鬆散的紐卡素，球隊展現出不俗的攻力，單在上半場已經領先三球。決賽一戰面對強敵曼城，狼隊的防守極為出色，尤以在互射12碼中撲出3記12碼的魯爾柏迪斯奧最為勇銳。球隊今仗料有射手魯爾占美尼斯歸隊，不過未必會任正選，但相信以現有陣容迎戰依然夠照。雖然對手十字軍上圈淘汰法羅群島球隊B36拖錫雲，但實力與狼隊料有一定距離，估計今仗或會大敗收場。
同日另一場，意甲的拖連奴同樣在主場迎戰匈牙利球隊迪比辛。拖連奴今年同樣未有太多新球員加盟，一對箭頭施蒙尼沙薩及比洛迪繼續留隊，戰力得以保持。迪比辛上一輪雖然成功過關，但作客卻未能贏波。今仗作客挑戰實力更強的拖連奴，料難有爆冷機會，故同捧拖連奴[-2]「主勝」。
文：亨少