余香凝和妹妹余潔瀅前晚去金鐘出席電影首映禮活動，余香凝表示月底會去美國華盛頓，為主演電影《逆流大叔》參加電影節。余香凝希望電影可以開第二集，令她更多機會到外地，她說：「等我呢個鄉下妹可以繼續去見識世界，未入行前最遠只去過日本，自己都有荷李活夢想衝出國際，首先要增值自己，近日同一位導演合作，佢話若果我有更高文化修養更好，趁自己年紀仲輕，我願意放低幾年去讀書，最遺憾以前冇好好讀書，希望學習一啲同演藝有關項目，例如想讀心理學。」
此外，廖子妤透露早前去了巴黎工作，之後留在當地旅行十幾天，其間邂逅法國男，她說：「可能外國人審美標準唔同，竟然問我係咪日本人，但我哋溝通咗一段時間之後都解釋唔到太多，我又自己一個人，冇膽量四圍去，怕遇上變態殺手，要好好保護自己。」
採訪：卓寶花
攝影：陳俊強