薛家燕和王梓軒前晚在觀塘為動畫《貓咪媽咪Home》宣傳，首次替動畫配音的家燕姐聲演的鸚鵡叫「羅家鸚」，她笑言由「家燕姐」變「家鸚姐」，她說：「片方想我原聲演出，唔使扮聲，我喺配音時仲加入Captain Nancy、慈姑同十字步女俠嘅角色名，希望觀眾一聽聲就笑。」
家燕姐稱早在黑白粵語片年代已經為電影配音，但最近工作忙未能在事前看劇本，故配音時要邊聽國語版邊配粵語，更要配合角色口形，難度甚高，她說：「我入行60年，細細個已經配音，雖然今次難度幾高，但難唔到我，觀眾睇得開心就當回饋社會，當然我都有錢收嘅。」至於王梓軒就稱多得先錄音的家燕姐打底，到自己錄音只需七小時就完成，他說：「家燕姐個底打得好先咁快。」
採訪、攝影：曹家誠