莫文蔚（Karen）昨日在金鐘出席慈善活動展，Karen表示在港逗留一、兩天便到歐洲工作，另一方面要籌備媽媽9月在港舉行的80歲大壽，她說：「要請二、三百人，大過我結婚，最緊要開心，媽咪都好落力去搞，佢好緊張又要完美。」被問到送甚麼大禮給媽咪？Karen說：「佢唔要我送禮物，成日叫我得閒就返英國陪老公，會趕我走。」Karen表示完成巡演後會全力陪老公Johannes。
Karen多年前舊愛周星馳早前傳結婚，她說：「有聽過傳聞，唔知喎，問佢啦，佢咁神秘。」星爺結婚可信性？Karen笑說：「可信程度好低，但係都唔奇，佢都一把年紀，應該要結啦，恭喜佢。」
採訪、攝影：卓寶花