元朗鄉黑勢力襲擊市民令全城震怒，外界對警方在事件中處理手法固然不滿，但不少政界中人更關注如此大規模犯罪行為，甚至有警察消極配合，背後必有更大黑手操盤，特別是要動員這麼多黑幫分子，沒有金錢利益根本不能成事。
「冇錢冇利益冇人會做嘢」
有政界中人稱，其實由反佔中開始，有不少靠內地的商界中人、甚至有頭有面的商場人士，為求政治利益，均會在中聯辦或內地統戰部門拉線下，為「愛國愛港」行動出錢，相信今次也不例外。
有地區人士對季陶說，若沒有金錢利益，根本不可能動員這麼多元朗鄉黑勢力打人，「呢班人好現實，冇錢冇利益冇人會做嘢，你估真係為愛國愛港四隻字就免費同你出兵咩！」之前區內有傳過「每個人三千」 ，但也有鄉事中人對他說3,000元太少，「可能是二、三判之後嘅價錢，實際唔止呢個數」。
有地區人士估計，整件事「成本」要數十甚至上百萬計，但通常這些「愛國愛港」行動，西環或內地統戰部門有關人士，總會找一些在內地有生意的商界中人「包底」，「反佔中時候就係咁，成台戲有商界畀錢，佢哋多數喺內地有生意，唔係全國政協，就係省市人大、政協，仲有啲大孖沙嘅二代或者三代，畀錢出嚟可以立功保住個位，甚至可以拎更高嘅位」 ，據知今次撐警行動也有商界出錢，「所以你話元朗單嘢背後有冇金主？我可以話一定有」 。
季陶
周一、三、五刊出