【本報訊】居元朗多年的M先生，前晚在facebook看到雞地有黑衣市民被打的消息，即與女友攜同多件淺色衫趕往元朗西鐵站營救。他到場時看到數十名白衣人持木棍，不斷出言挑釁黑衣市民，他喝止白衣人，即被追打，「一個打我之後，廿幾三十人追住我打。」他奮力保護頭部，手肘被打至皮開肉綻，最終與女友跑回住所大廈平台報警，「打999報警同叫救護車，但電話一直唔通，我叫大廈管理員報埋，佢哋都話唔通，至少半個鐘。」
M先生頭、背及手多處受傷，其中背脊留下多條血痕，手肘皮開肉綻，不斷流血。他憶述事發時立法會議員林卓廷亦在場，其間他目睹一名身穿印PRESS字樣反光衣的女記者跌倒，白衣人仍欲衝前打人，他喝止時，「有個50至60歲帶頭嘅，講圍村話嘅人開始衝住打我。」
他形容：「有白衣暴徒冇戴口罩，肆無忌憚，完全係你認出我個樣咪認出囉！」他又批評警方及港鐵，「警察喺邊度，警察有佢嘅職責……港鐵一個大機構，係唔係有其他途徑可通知警察嚟呢？完全冇！」
■記者龔蕙芝