車路士上個禮拜五同川崎前鋒友賽，結果以0:1落敗，係新帥林柏特嘅首場輸波。賽後林伯提到外借回收嘅法國中堅葛特蘇馬，希望佢唔好離隊：「蘇馬係一位出色嘅後衞，佢非常專業，上季喺愛華頓打得好好，我希望佢可以留低。」林伯表示來季目標係奪冠，雖然要擊敗曼城係好難，但球員一定要有贏波嘅諗法。