鄭融首次擔任香港開電視旅遊節目《神奇旅俠》主持，昨日她與攝製隊飛往馬來西亞外景拍攝，經常在社交網上騷身材的鄭融，今次到大馬卻不能穿比堅尼，反而要着得密密實實，原因是要潛水與鯊魚作近距離接觸，她說：「今次是一個上天下海嘅旅行，每part都好精采，完全唔似去做嘢。我亦好期待食榴槤，會有一程係去試晒所有唔同品種嘅榴槤，我好鍾意食榴槤，真係一種緣份。」