【爆相爆片】鍾鎮濤（阿B）上月底出席撐警集會，冒雨站台發言，隨即被歌迷鬧爆，更有人在7.1回歸遊行時帶埋阿B的唱片任人踩爛表達不滿，而身為當事人的阿B和梁家輝，就被《蘋果》讀者發現兩家人約埋出埠旅行，懶理負評。
兩父子有說有笑
昨日，有一班港區全國人大代表、全國政協委員和建制派立法會議員在金鐘添馬公園發起「愛護香港」集會，今次阿B卻沒有現身「冒雨撐警」，雖然他同在港島區一帶，反而去了嘆茶，既可醫肚又不用濕身。
阿B被《蘋果》讀者陳先生透過「爆相爆片」，直擊在銅鑼灣一間酒樓內，與兒子鍾嘉浚等飲茶，據陳先生提供的片段所見，身穿紅色上衣的阿B，坐在穿白色衫的兒子身旁，兩父子有說有笑。陳先生表示︰「當時大約中午12點幾、1點左右，佢哋嗰枱有7、8個人，見佢同個仔傾偈。」問到同枱的人有沒有阿B的太太范姜及女兒等，陳先生表示不清楚，但從片段中可見還有兩位女士和兩位男士。
被網民聯署狙擊
其實，上月30日阿B、譚詠麟（阿倫）、梁家輝、陳欣健及高志森等藝人，出席「630撐警察，保法治，護安寧」集會支持警察，阿B當時義正嚴詞直斥現時年輕人「九唔搭八」，而揚言不談政治的阿倫，就指「香港再係咁落去真係冇得救」，事件受到不少市民的批評，認為作為具高知名度的公眾人物，做了極差的榜樣。事後有網民發起聯署，要求美國重新審視二人在美國將舉行演唱會的演出簽證。
採訪：如文