【本報訊】昨日是今屆書展首個周末，設於會展3樓的兒童天地專區，頓成一眾家長的「戰場」，大批家長攜同子女到場搶購心頭好。補充練習頓成為「頭號獵物」，有家長僅在一個攤檔已花費逾千元購買補充練習，但亦有「霸氣家長」為子女只買圖書，謝絕補充練習，更指「啲錢唔係咁使㗎！」
會展3樓「兒童專區」為多個教育類別及兒童圖書的集中地。昨天下午1時，展區已人頭湧湧。任職小學教師的蔡小姐獨自拖篋到會展，在3樓一間出版社攤檔中，為升小六的女兒狂掃近20本補充練習，中、英、數三科均一一囊括在內，花費約1,100元，「因為相信要多練習，搵出佢嘅弱點，再跟個弱點build-up（加強）番佢，應該有幫助」。
蔡形容自己「都幾怪獸（家長）」，由於本身是教師，比一般人更緊張子女成績。她笑言，女兒雖然都不太喜歡做補充練習，「會幫佢（女兒）安排每日要做乜練習、幾時做運動」。不過，她認為做補充外，看課外圖書同樣重要，「睇圖書係自發學習，動機會大啲，學習功效會雙倍」。會合丈夫跟女兒後，一家三口便會再到樓下1樓展區購買圖書，預計花費比購買補充練習的更多。
「孩子揀書學到更多」
相反，有家長竟對補充練習嗤之以鼻，蕭太是其中之一。她與3名子女昨早11時許到達，行李箱中已滿是囊中物，多達30多本書，花費約1,300元，當中包括推理小說、插畫繪本，甚至有一整套英文版《福爾摩斯》，「有冇留意到一樣嘢，就係冇補充練習㗎！」她憶述，自己都曾在書展中購買大量補充練習，「由上年買完擺到下年都係新嘅一樣，結果又唔啱用」，認為讓小朋友挑選自己愛看的圖書，反而令他們更有知識增長，「啲錢唔係咁使㗎！」
張先生與升小二的女兒受書展折扣吸引，購入了7本補充練習，花約200元，「唔係專登入嚟買，係咁啱見到」。他笑言自己並非催谷成績類的家長，「有啲補充係佢自己揀㗎！」
■記者盧珮瑤