洪朝豐昨日在書展出席講座，分享先後患上舌癌及淋巴癌的抗癌經歷。問到現在身體狀況？他說︰「如果要恢復番以前咁就冇可能，𠵱家回復番七成，有狀況先再做檢查。」
問到想跟讀者分享甚麼？洪朝豐說︰「我曾想過自殺，作為廣播人，冇咗半條脷，令我講嘢同食嘢都出現問題。」手術後說話含糊不清，外觀又有變，他說︰「有一次去做電療途中，天好黑又大風大雨，突然間好似有把聲音同我講『不如你死啦，仲喺度做乜！』我返到屋企，我住21樓會經過欄杆，當時望落去，自己點做呢？」但他想到前妻及兒子，最終打消自殺念頭。
收手抄佛經
有位打座學生為洪朝豐抄佛經祈福，洪朝豐說︰「佢同我講可以將呢份美好嘅感覺獻畀身邊嘅人或唔識嘅朋友，自己都有優點，樂於助人，應該欣賞自己嘅好處，令自己走番出嚟。」
採訪︰盧妹
攝影︰陳慧安