周三落實轉會馬德里體育會嘅捷比亞，成為球隊95年來首位英格蘭球員。佢動筆同球會簽下三年合約後，即刻投入操練，一班馬體會球員仲列隊拍背歡迎呢位新隊友。捷比亞征戰西甲令人有啲意外，盛傳係馬體會教練施蒙尼親自向高層欽點呢位右閘，作為離隊老將桑法蘭托里斯接班人。捷比亞係馬體會自1924年後首位簽下嘅英格蘭球員，95年前有一位叫真禾特嘅英格蘭前鋒，但只係效力過一年，自此後就再未有英人加盟過。
捷比亞周三搞掂晒手續，黃昏已經開始集訓，仲馬上喺練習賽躋身正選陣容，同史提芬沙域以及另兩名新兵菲臘比蒙達里奧、雷蘭洛迪組成四人防線。