冇隨隊嚟中國嘅曼城前鋒阿古路，踢完美洲盃之後，就陪女友蘇菲亞同埋由前妻所生嘅仔仔去度假放鬆吓，飛咗去巴哈馬群島有「度假天堂」之稱嘅天堂島鬆一鬆。蘇菲亞睇嚟好享受今次假期，仲將自己同阿古路鴛鴦戲水嘅相擺上ig，見到兩個口喺泳池攬到實一實，蘇菲亞着住件淺藍色嘅三點式，大晒自己迷人身段，仲要喺影相嗰陣偷錫咗阿古路一啖，真係晒死隔離。