已退休、曾屬公務員的資深傳媒人曾智華，最清楚公務員體制的弊病，看不過眼、不得不說。他狠批特首林鄭月娥「一人『有病』，全港蒙難」，竟因她一個人的決定，對抗全港幾百萬人的意願，直接導致香港民怨大爆發，引證香港政制的荒謬。「任何有智慧的人都知道，兩撤/設就搞掂，企出來話我撤回，搞咩壽終正寢，The bill is dead，點解你要咁硬頸唔可以講嗰兩個字？」
「第二，肯設立獨立調查委員會，即刻半年內鬆咗條氣先。任何事在陽光底下獨立調查，驚咩？如果佢驚，就係驚查出來原來佢係始作俑者，佢就係繫鈴人。」
人稱Luke Sir的曾智華，2014年離開港台後，繼續不平則鳴，接受記者訪問時指，他不會偏幫黃，又不會偏幫藍，有嗰句講嗰句，實事求事。
政府不明白年輕人訴求
他批評林鄭作風專制，鋪鋪要贏，以為一個人頂着全世界，而且全無後果。特首由1,200人的小圈子欽點選出，政府政策傾斜選委，社會公義漸漸消失，而且事事聽從北京吩咐，漠視港人訴求，「年輕人越睇越唔對路、越火滾，成個立法會變成無公義、有強權、少數人屈多數人的議會，到最後咪爆囉！」
直至今天，林鄭都沒有回應市民的五大訴求，只推說引發民怨的條例修訂已完全停止。曾智華認為政府仍然不明白年輕人的追求，「好多成年人都誤會，以為年輕人畀間樓佢，畀啲好嘅生活、賺多啲錢，佢就會滿足。香港年輕人，我屋企都有唔少，佢要追求公義、公平、權利、自由，呢啲佢哋覺得係天生權利，但係香港現時唔係呀嘛。」
特首當警察是政治工具
回歸以來，曾智華看到政府從沒有着力理解年輕人，過去兩年掌控青年事務政策的官員，竟是一名接近70歲的張建宗，「佢識乜呀青年事務，唔該你交返畀青年人啦！」他形容政府跟新一代，完全是活在兩個世界。
曾智華看不過眼特首把警察當成政治工具，前線警察成為市民和政府之間的磨心，就像將一切責任都推到他們身上。至於年輕人，又有一批沉不住氣衝擊，甚至發起擾民的不合作運動，令示威失去部份市民支持，他始終相信，要爭取最大民意站在自己一方，就要用合理的示威方法。