陳煒日前被《蘋果》讀者爆有醫生男友陳國強，但隨即被指是第三者介入男友家庭，陳國強出力護女友同時亦保護前妻，向傳媒有問必答。前晚煒哥在灣仔出席活動，指大家剛開始發展，對方是自己fans，因此話題較多，煒哥又說：「我都係佢fans，做laser有乜頭暈身㷫都搵佢好快好。」至於被指是第三者，煒哥說不是事實不需要澄清，又指要講男友都講了。
提到陳醫生對她呵護備至，煒哥亦擔心令男友壓力大，但幸好男友比她樂觀，煒哥說：「佢會為我分擔，咁多年都自己一個人解決問題，𠵱家好開心。」男友亦表示有心理準備成為公眾人物被追訪，煒哥說：「佢叻過我，幫人睇情緒，會識自己調整。」另一方面，煒哥緊張自我澄清：「佢同我同年，唔係40歲，唔好再話我哋姊弟戀，呢點好重要。」
採訪、攝影：卓寶花