港姐十五位候選佳麗昨日到澳門外景拍攝，並邀得黎耀祥、蕭正楠、曹永廉和黃浩然化身公爵為佳麗進行特訓，祥仔的老婆及兒子都來撐場。祥仔和黃浩然表示前一日已與佳麗拍攝了幾個環節，兩人指佳麗質素平均。問到可有心水佳麗？祥仔說：「我都係睇報道，熱門幾位都好，蔡嘉欣同『翻版郭可盈』黃嘉雯。」蕭正楠和曹永廉昨日才會合大隊，曹永廉笑言：「我唔係睇得太清楚，要摸一吓先知道，要跟佢哋相處十年八載先清楚。」蕭正楠則說：「怪不得要有淘汰制，15個怕你消化唔嚟。」
問到佳麗訓練時可有被責罵？王菲說：「冇， 與其話畀人鬧，其實佢哋畀我哋好多意見。」黃嘉雯和楊詠彤指佳麗們每天都見面，大家感情很好。身形較高的楊詠彤可覺佔優？她說：「今屆佳麗平均都好高。」
撰文：劉敏