陳蕊蕊昨日到銅鑼灣出席「第一屆美人魚小姐慈善比賽決賽」記者會，蕊蕊是今次選美活動的策劃人，她指選美主要是宣傳海洋保育及美人魚運動，之前蕊蕊帶佳麗到台中訓練，問她有否艷遇？她說：「冇呀，成個禮拜都喺潛水旅館入面，唯一嘅娛樂係去附近嘅夜總會唱卡拉OK，但係原來裏面真係可以叫女仔坐嘅，我就冇見到。」
另外，6號楊曉穎是選美出身，身高180cm，但A cup上圍未及其他佳麗，問她會覺得輸蝕嗎？她說：「唔關事，今次主要係水底游得靚，我有長腿嘛。」而Sharon指在港工作不多，故她決意選美後到歐洲工作，她說：「香港模特兒已經脫晒節，我希望畀全世界人知道香港係有fashion model。」
採訪：羅慧敏
攝影：陳俊強