建制派成日話反送中抗爭有外國勢力，民建聯元秋蔣麗芸仲話掌握實質證據，有年輕人收錢參與反修例遊行，而且係議員辦事處收取，有網民明玩佢，日前於討論區上載一張喺社交平台聯絡蔣麗芸嘅截圖，入面有一幅美國隊長盾牌跌落地上嘅相，又話7月14號沙田區發現呢個盾牌，相信神盾局已經介入香港事務問題，亦有理由懷疑遲啲會有蝙蝠俠、水行俠聯同變種特攻、神奇四俠等會陸續介入香港。
截圖入面元秋叫對方自行聯絡神盾局，不過網民就話佢呢啲升斗市民邊有資格，懇請蔣議員親自去聯絡，最好就開記招叫神盾局畀個交代！而熱心為民嘅蔣議員，即時問到「可否提供神盾局地址？」睇到呢度，八方亦曲直難分，究竟元秋只係玩膠、定真心信神盾局介入香港事務？