巴黎聖日耳門（PSG）周二喺德國對德乙嘅特雷斯登，憑基利安麥巴比梅開二度，以6:1大炒對手，順利贏咗今夏第一場季前熱身賽。PSG今場贏得相當輕鬆，開賽只係六分鐘就由麥巴比先開紀錄，呢位法國前鋒之後雖雖然有腳射門中柱，但喺18分鐘就助攻畀達斯拿射成2:0，踢到34分鐘再入多球，結果PSG半場就已經領先特雷斯登3:0。換邊後，得勢不饒人嘅PSG由薩格里、普斯杜拿基同奧治捷入波，一度贏到成6:0。特雷斯登去到76分鐘先至由穆沙干尼射入12碼破蛋，結果PSG第一場季前友賽就以6:1大炒特雷斯登，可以話有個好開始。另外，佢哋周二就宣佈喺多蒙特簽入23歲中堅艾度迪亞路，據報轉會費係3,200萬歐元（約2.8億港元）。