【本報訊】連串反送中運動令國際社會關注香港情況，民主黨國際事務委員會主席劉慧卿昨與英國駐港總領事賀恩德（Andrew Heyn）會面。劉會面後指英國政府十分關注香港情況，她又引述建制消息稱，中聯辦近日也有約見建制派人士了解局勢，但建制派將示威者說成只是「上唔到樓嗰啲人」，劉直言對這些分析感驚訝，批評北京「冇用」，「聽埋晒啲咁嘅說話」。
劉慧卿聯同民主黨國際事務委員會多名成員，昨早與賀恩德會面近一小時，劉會後表示，雙方討論近日香港的局勢發展，會上感到國際社會支持香港，其中一個重要原因是香港集會遊行一向和平，「國際社會都係好支持香港，如果佢哋想香港可以好和平去處理呢啲事（社會衝突），佢哋（應該）出聲」。
建制派指遊行人士「上唔到樓」
她解釋，英國政府及國際社會至今十分關注香港，因他們有公民及企業在港，香港情況對他們有直接影響，「呢個唔難理解，唔通佢支持你哋個個出嚟掟汽油彈咩？」認為若要香港冷靜下來，港府要先回應港人五大訴求，「呢啲咁合理嘅訴求，點解你（林鄭）唔回應？如果仲有啲人火上加油，咁咪更加弊」，她建議英國及國際社會應繼續關注香港情況，並發聲支持。
除了外國關注香港最新局勢，劉慧卿引述建制派朋友消息，中聯辦早前曾約見過百名建制派人士，聽取他們對香港近日爆發連串示威遊行見解，指席間有建制派人士指遊行人士只是「上唔到樓嗰啲人、失敗者嗰啲人」，部份建制派更指遊行人士是「妓女」。劉坦言對建制派言論感驚訝：「（反送中上街嘅）百幾、二百萬人都失敗啊？你話中央幾無用吖，聽埋晒啲咁嘅說話！」有與會建制派朋友亦說，難以認同有關分析，指：「班友原來會上講埋啲咁嘅嘢。」。
■記者林俊謙