【特稿】港大民意研究計劃本月起正式脫離港大，轉型為獨立的「香港民意研究所」後，昨舉行首個記招公佈民調結果，多名學者撐場，其間中大政治與行政學系高級講師蔡子強講述廿多年前獲鍾庭耀無私分享選舉數據，至今仍心存感激，一度令鍾情緒激動眼泛淚光。
曾獲分享選舉數據
香港民意研究所首次記招有廿多名記者到場，部份人要席地而坐。除蔡子強撐場外，兩名學者呂秉權和黃偉國也到場，之後蔡壓軸發言變成「催淚」演說。蔡子強憶述認識鍾庭耀廿多年，當時研究選舉的人不多，所以他向鍾索取一些數據來分析，「民建聯嘅支持者主要嚟自基層、教育水平比較普通；民主黨可能多啲嚟自中產階級等等。呢啲作為今日選舉嘅政治常識，我記得當年都係第一步開始，用一啲比較實證數據，證明呢樣嘢」，他形容鍾慷慨無私，願意將辛苦得來數據供年輕學者使用。蔡又稱，鍾負責的民調已成為港人觀察政治一個重要指標，並說：「我今日嚟嘅目的，係我帶咗一張支票嚟，唔係一筆好大嘅錢，但我覺得作為一個受惠過鍾庭耀民調，作為我事業起點嘅一個支持者，我覺得我應該要做返少少嘢」，希望略盡綿力幫忙，說畢眼泛淚光。
鍾庭耀情緒激動，並對蔡說：「多謝，恭喜你。」他更難掩淚水，先除下眼鏡抹走眼淚，稍作休息後才能向捐出一萬元的蔡道謝，又感謝公民社會支持他延續民調工作，盼未來續「取諸社會，用諸社會」。
■記者林俊謙