林鄭講「我不會出賣警隊」，信納嗎？
睇唔到有收回送中條例空間、外交照會只係宣示立場，冇實質建議、就算話撤回，一樣可以三個月後重推的林鄭特色「方言」，有跡可尋：暫緩等於失效，壽終正寢等於阿Bill瓜咗。咁，不會出賣，係咪只賣一忽？賣唔晒？盧一哥說612是局部暴動，林鄭若然出賣警隊，都會配合留手，賣剩碌蔗。就快接棒的鄧二哥號稱更打得，講明會200%懲治挑機年輕人。這個二哥復仇大計未必來得及出台。賣警既成密案，司級官員與行會成員必然神隱，任由警民惡性互動升級。上水好彩，否則十多歲少年已成橋下亡魂，二百萬+5！警察在特別工作服內谷爆失控，林鄭政權由「孫家驊」到鄭若驊，成功飛甩黑鑊，輸到甩褲的只有一個行埋警總的葉劉！
殺入新城市廣場的警隊被賣，民賤聯會幫拖嗎？不，消失在任何防線的民字頭，巴不得警察去死！只要有一個香蕉糖的初級警察疑似抵受不住memo紙壓力終至自殘，嘿，何君堯為首的送中團日日霸住添馬公園辦頭七！追究毀警罪責！送中輿論悲情大逆轉，睇慣大台的大叔由蔣大媽帶領，誓要還男屍公道！林鄭初心，賣唔甩！（話時話，記你老母件黑T極速斷貨，警隊警句，愈暗黑，愈好賣！）