現年35歲的07年港姐冠軍張嘉兒，四年前與跟金融才俊Nathan結婚，三年內生了兩個囡囡。張嘉兒兩年來堅持餵哺母乳，今年更把經驗集結成書，在書展推出《母乳餵哺教室Mama College》。
張嘉兒日前帶大女Leora接受《蘋果》專訪，她表示初餵母乳時吃了不少苦頭：「最初嗰一個月，佢又喺度喊，我又喺度喊。我有石頭胸，乳頭仲有白點，掂到都好痛。」張嘉兒自爆當初非常大陣仗：「老公又為我放U形枕，又放凳仔放腳。𠵱家餵妹妹已經好熟手，企喺度行來行去都餵到。」
張嘉兒表示不介意外出時餵人奶：「披塊布就餵得，我唔覺尷尬，我想透過呢本書，話畀大家聽餵母乳係天職。」Leora在6個月大時發現有食物敏感：「佢掂到奶類都會痕，食多咗橙同番茄又會痕。」張嘉兒直言暫時未有計劃再生：「我唔抗拒生，但兩個好困身，要等佢哋大少少先。」
撰文：比華利
攝影：陳俊強
場地提供：United Christian Music Kindergarten