45歲陳煒日前被《蘋果》讀者發現與醫生男友陳國強到峇里出席醫學研討會，其後煒哥直認蜜運中。不過，有指煒哥新歡還未離婚，與前妻育有兩女，煒哥更被指是第三者。陳國強昨在電話訪問中澄清：「離咗啦，我有講過話保護陳煒，但我亦要保護前妻同兩個小朋友，要顧及佢哋感受、私隱。」他否認陳煒介入他與前妻婚姻：「呢個一定唔會啦。」陳國強表示女兒跟前妻生活，父女定時見面，不過就避談何時跟煒哥拍拖：「我唔講時間性呢樣嘢，一講又炒作㗎。」
問到喜歡煒哥甚麼？陳國強尷尬地說：「我可以講我哋了解中，一講太多就去到好多層面㗎喇，我講咗一個反應，變咗有啲報料嘅人可能又唔鍾意。」視煒哥為結婚對象？陳國強說：「每個人拍拖都有個開始，可能都憧憬住一啲嘢，我唔排除呢樣嘢，每個人開始一段感情、一個對象，佢都可以喺內心某個時段有咁嘅諗法。」煒哥對於被指是第三者則回應：「陳醫生講咗，我都冇嘢補充。」
採訪：魯吉、嵐山