鄭秀文（Sammi）在紅館舉行一連十三場「#FOLLOWMi 鄭秀文世界巡迴演唱」，唱到今晚完成了5場，休息一晚於周四再開騷。Sammi老公許志安4月中爆出「安心事件」後形象插水，幸得老婆全力撐。
安仔連日來也以主人家身份到紅館撐Sammi，前晚Sammi開騷前在網上貼了一張她和安仔半邊身的合照。照片中的Sammi表現風騷，晒手臂和手腕上的紋身，還向鏡頭「嘟嘴」兼舉V字，除了安仔外，Sammi也blur了其他工作人員的面孔，似是刻意貼出與安仔合照。這張看似不經意的合照，觸動不少歌迷神經，有人留言鬧不應該讓安仔出鏡，但也有歌迷認為只要偶像開心便可以，反應兩極。
前晚Sammi舉行第三場演唱會有不少圈中人撐場，包括許志安好友張衞健、蘇永康及梁漢文，還有張玉珊、楊小娟、王菀之及周勵淇等，首場已現身支持的鍾楚紅與胞妹更去捧場。Sammi前晚請來葉蒨文（沙麗）當嘉賓，Sammi說：「今次演唱會請嘅都係女嘉賓，多數都係細過我，今晚終於可以請嚟一位前輩，我都可以叫聲佢阿姐，有請沙麗姐。」
與沙麗笠高帽
Sammi與沙麗互笠高帽，沙麗說：「你身材咁靚，特別係你對腳、同條腰、同埋個胸……你腰又細過我，年紀又細過我，介意話畀我知你條腰幾大？你要食多啲，以前同你排舞時，我食大大個包，你食細細條菜。」Sammi即笑着回應沙麗：「我𠵱家食多咗，因為有玩健身。」沙麗則表示見到Sammi現在很健康也替她開心。合唱《談情說愛》後，沙麗在Sammi換衫位再唱一曲，她笑謂本來想唱自己的歌，但怕觀眾未必認識，然後唱出台灣天后蘇芮的《憑著愛》。
採訪：盧妹
攝影：林賓尼
