林鄭宣佈完壽終正寢，但沒有守喪帶孝，旋即穿起旗袍戰衣，在閉門酒店宴會廳對建造業商家笑談送中風暴。但笑中有淚，哽咽時獲在場嘉賓熱烈鼓掌20秒。商家真撐場？得啖笑！從乜叔物叔到他們的精叻富二代，都知道中共司法制度得三個字形容：靠唔住。感性形容可以縮為一個字：靠！林鄭台上滿口初心，台下老細皮笑肉不笑，講初你老母都費事。拍掌啦，希望她識趣收皮。否則忍無可忍，建造業麥美娟上身！
宴會中林鄭有冇講過「我不會出賣警隊」？新聞處那位姓Free的洋副官有冇刪走這一段？自稱沒有賣港，只有賣身俾香港的林鄭，好sell得咁。賣警，第一位必屬「唔好搞我後面」那位。蔣大媽是買家，兩位行埋，去屯門公園開檔搵真銀！光復？民賤聯教曉市民，遊行是沒有用的！下一個賣到好價，應該是隻揪警，同僚呼之香蕉糖。連儂隧道「炮製」的「手撕香蕉糖」爆紅超賣！還有警總外拎住水刮和雪糕筒返工的阿蛇，搞到水刮賣斷市咁滯，水刮哥，麻煩幫林鄭刮靚個玻璃心啦！