近日兩場在上水及沙田的遊行，事後均爆發示威者與警察衝突，有參與光復上水遊行的政界中人對季陶說，他發現有些警察在執行職務時開始失控，「針對記者甚至議員打，連聽指示、冇攻擊嘅示威者都照打」，面對如此失控局面，特首林鄭月娥以至整個港府高層完全沒有任何動作、講話試圖化解危機，難免令人猜測有人根本想警民對立惡化，「利用呢樣嘢轉移視線同自保」。
該政界中人指，早在前特首梁振英年代，他不斷挑動港獨、搞出旺角騷亂、又盛傳想開槍鎮壓佔中，「當時已有唔少評論員、學者、民主派講過，香港越亂中央越唔會換佢，佢個位越穩」 ，今次反送中抗爭已有不少報道稱中央要對各涉港部門、特區政府問責。
令香港嚴重內傷
他續說，「如果香港警民矛盾升級，局勢混亂，北京喺求穩前提下，一定唔會咁快郁人，如果萬一再有流血事件，甚至要留住呢班人，以證明對付示威者手法係正確、唔向反對派屈服」 。
所以不少民主派人士認為，林鄭、港府、港澳辦、中聯辦根本不想化解警民對立，甚至想令情況惡化，那就可以轉移他們推送中惡法失職的視線，「證明強硬路線冇錯，亦令佢哋可以藉此再『立功』，局勢一日唔平靜，北京一日唔會郁佢哋」 ，但是如此一來，香港就會嚴重「內傷」，「市民同政府、警隊矛盾以後好難甚至冇辦法化解，香港就更難管治」。
季陶
周一、三、五刊出