【本報訊】6.12警方武力鎮壓示威者事件中，遭警方發射橡膠子彈打中倒地的肺癌叔叔「老吳」（圖），昨亦響應網上呼籲參加沙田大遊行。他不擔心會有衝突出現，反而會站在前線支持年輕人，「如果當年肯企出嚟撐，就唔使後生付出咁大」。
「警員唔當年輕人係人」
居住九龍區的「老吳」昨參加沙田大遊行，他笑言已見慣不同場面，甚至近乎麻木，又指經歷多次患病，反而覺得自己對不起年輕人，所以不擔心會有衝突出現，反而會站在前線旁邊，支持年輕人。
「老吳」指年長一輩對不起年輕人，「如果當年肯企出嚟撐，就唔使後生付出咁大，我哋呢一代先要更加後悔」。他又形容警方現時越來越「冇規矩」和「丟架」，「甚至不當年輕人係人」，只要警力足夠便衝上前打。他建議當局改派民安隊維持遊行秩序，相信可減少衝突。
「老吳」坦言家人擔心其安全，但他反着家人不用擔心，「如果個個都怕，啲後生仔就仲慘……佢哋付出嘅代價更加大」。他又透露，當日被警方橡膠子彈打傷的傷口，現時仍不時感到痛楚，但情況已好轉。至於多次被傳死訊，本身有哮喘和癲癇症、需長期服藥，去年確診患上第三期肺癌的「老吳」笑言，大家或太着緊他，「人總要死，我睇得好閒，亦都冇乜睇到咁緊張」。
提及早前先後有四名年輕人為反送中運動而輕生，「老吳」呼籲大家珍惜生命，「我經歷兩個癌症都企出嚟，因為人未死仲可以做嘢，犧牲咗就乜都做唔到」。
■記者羅繼盛