社會信用評分系統，大灣區預留位置等埋香港，冇得佛系。林鄭不屑歷史至低的評分，命令官員，齊上齊落，配合西環，只許成功不許dead。系統低調啟動，扣分冇人知，冇得司法覆核。
近日連儂牆深入社區，撕紙王唔扣，出13拳打人那個零扣，堅忍不還手的正義青年隨時被扣七分！唔出奇，系統依法辦事！612頭部中橡膠子彈的市民被扣（子彈貴嘛），戴住頭盔幫人洗眼急救的義工被扣，張開雙臂擋在槍彈面前的社工，唱住聖詩被速龍警命令叫耶穌落嚟的教友，扣剩零！林鄭宣告送中條例壽終正寢後心情大好，嚴選「隻揪警」護駕入南丫島四萬咁口切燒豬。普通市民落船，扣了唔知幾分，八達通入閘嘟唔到，想買廁紙都難！油塘與九龍灣阿叔唔使廁紙了，借用memo紙更方便！年輕人堅硬如水，最愛廉航平玩自由行要睇分食飯，慘了。中產更要睇分做人，系統分分鐘令你零按揭上唔到樓。寶礦力藍得令人憂鬱，獅子狗被搣，剩下竹輪。林鄭賴死唔撇唔撤，硬推信用系統，並非空穴來風，唔敢割席的聶德權，小心奶媽搞你後面！