【本報訊】前公務員事務局局長王永平表示，要緩解現時社會的氣氛，特首林鄭月娥已經無法繼續留任，若中央堅持特首繼續留任，林鄭可稍為休假，為社會降溫。同時，王永平又認為保安局局長李家超及律政司司長鄭若驊都應該顧全大局，考慮辭職。
倡改派民安隊 緩和警民衝突
王永平昨出席一個電台節目時指，難理解為何林鄭不正式撤回修例：「特首可能有啲心理障礙講唔出嗰兩個字（撤回）」，又批評政府應向立法會正式通知「撤回」條例，而非只說玩弄文字：「因為個修訂仲喺立法會嗰度。所以按照個法治精神，咁你真係要通知立法會係收番呢個修訂，唔係話你『壽終正寢』就真係會『正寢』咗」。
王永平認為各區連儂牆「遍地開花」，每周日也有市民上街遊行，現階段政府需緩和警民之間的衝突，他建議勿再派警員駐守連儂牆，可考慮派輔警或民安隊等制服團隊維持秩序，減低衝突。
王永平提醒高官和行會成員位高權重，應該替香港設想，「越有權勢嘅市民，應為香港做多少少嘢，負起應該負嘅責任，唔好戀棧名利地位，好多（高官和行會成員）其實都唔需要啦，好多做到好高（位）、好多錢，可唔可以幫香港做啲嘢？」但他指，行會已無公信力，即使改組，政府和中央也不會委任民主派人士入閣，改組也只是「有姿勢無實際」。
他建議，政府應透過增加立法會民主成份，例如增加直選議席至40個，恢復市民對立法會的信心，並且宣佈取回單程證審批權和收回地產商手中的農地，增加土地房屋供應。
■記者姚國雄