姜濤前昨晚在九展舉行首個個人演唱會，姜媽媽及MIRROR隊友捧場，姜濤的演唱會於本月26日加開第三場。姜濤與盧瀚霆（Anson Lo）前晚在台上合唱新歌，Anson踢爆姜濤瘀事：「姜濤過往換衫好怕醜，要走到另一個錄影廠換，𠵱家冇過往咁怕醜，仲喺我哋面前換衫，又問係唔係大隻咗好多。」
姜濤演唱偶像羅志祥歌曲《力量》時，一度激動流淚，他表示自己當時不懂跟人溝通：「呢首係我人生中最重要嘅歌，當所有人無視我，睇唔起我嘅時候，畀到我力量，我每日返中學前都會聽。」騷後姜濤接受訪問時指表現只有65分，與女舞蹈員跳舞時尷尬：「綵排時唔敢掂，屈埋手指，唔想有身體接觸。」
採訪：張俊銘
攝影：仇志德