劉青雲為彼思動畫電影《反斗奇兵》（Toy Story）系列配音，第三度聲演「巴斯光年」，問到系列第一集的印象，他說：「最經典係巴斯光年佢唔知自己係玩具，佢以為自己真係一個太空戰士。我覺得嗰部份好感人嘅，因為我哋好多人都唔係好知道自己係乜人。」
談到系列來到第四集，劉青雲眼紅紅說：「每一個人都有自己嘅夢想同理想，但個個都唔一樣，每一樣嘢唔係一定係成功嘅，佢喺度講咗一個幾好嘅解決方法。我覺得所以係好多……好多人……真係……」之後青雲更笑住拭淚，可見他對角色及故事已建立出深厚感情。而《反斗奇兵4》周四在香港開畫，在港上映首日已登上票房冠軍，累積1,275萬元票房。
撰文︰祖李