孫慧雪（阿雪）昨日於銅鑼灣為寫真及散文集進行簽書會，寫真其中一張照片阿雪露出澎湃上圍，她笑言看後自己也估不到如此厲害，不過老公卻冇眼睇，她笑說：「佢講笑，佢話佢底線好低，佢覺得我一啲都唔性感，好傷心呀！」阿雪又指反而是爸爸對她的性感照有微言，她說：「我daddy唔鍾意，一見我post性感相就問我係咪儍咗。」今年出兩本書「打自己」？她笑指十年前已有人邀請出散文集，但當時自覺還未準備好，她說：「冇諗過今年出，點知仲要出兩本，今次會擺兩個書攤，各有fans，不過出相時寫真啲相多好多人like，唔知係咪因為少衫。」
提到散文集，阿雪表示紀錄了很多私人事，其中寫了曾患子宮腺肌瘤的經歷，卻沒有提及丈夫，問她怕丈夫嬲嗎？阿雪說：「唔會，之後我會出本親子書，係講老公同細路，係佢哋專屬。」
採訪、攝影：羅慧敏